O Concello de Narón leva sete anos consecutivos organizando este evento, no que participan músicos de toda España. A Escola Municipal de Zanfona de Narón experimentou un aumento de matrículas neste curso 2010-2011, pasando de 11 a 24 alumnos na actualidade, tal e como informou o seu profesor, Oscar Fernández. O VII Encontro de Zanfona Contemporánea desenvolveráse no Centro Comercial e de Ocio “Dolce Vita Odeón”, Pazo da Cultura de Narón, e parque temático do rural Aldea Nova (Sedes).
Os destinatarios deste encontro son os escolares de 6º de Educación Primaria dos colexios de Narón, os instrumentistas de zanfona de toda España, e a poboación en xeral que poden acudir ós concertos do día 18 de marzo no Café-Teatro do Pazo da Cultura. Pero as actividades comezarán xa o sábado 12 de marzo cunha actuación do alumnado da Escola de Zanfona de Narón no Centro comercial Odeón. O fin de semana do Encontro propiamente dito misturaránse as actuacións e os obradoiros a cargo de mestres da zanfona.
A continuación, detállase a relación de actividades do VII Encontro de Zanfona:
12 de Marzo:
17:00 Actuación do alumnado da Escola de Zanfona do Padroado da Cultura do Concello de Narón no Centro Comercial Odeón.A “A zanfona na Romería”
18 de Marzo:
11:00 a 13:00 Actividades didácticas para escolares de 6º de Educación Primaria dos colexios de Narón a cargo de Jaime Rebollo Villarino Luthier de Zanfonas e Pepa Yáñez , actriz e cantante.
18 de Marzo:
20:30 Concerto no Café –Teatro do pazo da Cultura a cargo de: Adriá Grandia (Catalunya), Combo Mariñeiro de Vilaxoán (Galiza), cun entre acto, concertó didáctico de Xan Manoel Aparicio sobre o Nikelharpa, instrumento a cabalo ente a zanfona e a viola.
19 de Marzo:
10:00 a 14:30 Curso Intensivo de Adriá Grandia en Aldea Nova
22:00 Palco Aberto: Actuación de tódolos que queiran e con calquera instrumento.
20 de Marzo:
10:00 a 14:30 Curso Intensivo de Adriá Grandia en Aldea Nova
