ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
Nestes días nos que España amence en branco e negro, cos policías perseguindo estudantes polas rúas e a dereita máis reaccionaria chamando ao escravismo proletario, ten todo o sentido do mundo o rescate dunha parella de fenómenos do star system cinematográfico anterior ao asalto das alfombras polos autoproclamados autores. Antano non había tal cousa como a posta en escena, había tetas e chistes ao peso, e xa abondaba. Musas de Mariano Ozores, Pajares e Esteso pariron unha filmografía da que aínda se aleita ben a gusto Torrente: “Los Bingueros”, “Agítese antes de usarla” ou “Yo hice Roque III” eran comedia screwball antes de que soubéramos que significaba esa palabra. Pasado o tempo da negación polo cheirento tufo rancio, agora estamos xa na época de reivindicación sen prexuízos dun humor premoderno. Da man dun festexado anuncio de xamón en tiras, Pajares e Esteso volven á televisión nunha nova edición de “El Hormiguero”, ás nove e media da noite en Antena 3.