Léron a novela nos clubs de lectura do IES de Fene e nos acompañaron en Radio Fene Aaron Martinez Cociña, Pablo Diaz Coira, de segundo da ESO,  as nais Ana Santiago e Mariola Fresco, xunto coa profesora e coordenadora da biblioteca Loly Lago.
“Non foi doado para Isla mudar de cidade e empezar de cero nun novo instituto. Devecía por dar un paseo polo espazo, avistando planetas a través do telescopio, mergullada no ventre do universo. Casiopea, o nome da tartaruga máxica de Momo, era o nick que empregaba nos foros sobre astronomía nos que participaba adoito”. Comeza así o libro de Ledicia Costas “O corazón de Xupiter”.