Balakandra nace en San Sadurniño a principios do ano 2004 no seo do grupo Saraibas froito das inquedanzas musicais de varios dos seus membros que trataban así de dar renda solta ós seus coñecementos de outros estilos e técnicas musicais, segundo explican eles mesmos no seu myspace.

Co “parón” do grupo Saraibas, a idea de Balakandra comeza a tomar forza e a asentarse como grupo. Nesta primeira formación estaban Martín Sanjurjo, "Farru" Rodríguez e Juanjo Porta.

No ano 2004 Balakandra presentase ó concurso “Galiza sons folk” alcanzando a final do concurso e grabando así un disco conxunto cos outros dous finalistas.

Durante os anos 2005 e 2006 tocan por gran cantidade de concellos, salas e festivais de Galiza.

A principos do ano 2007 Juanjo ten que abandonar o grupo, pero Martín e Farru seguen adiante con Balakandra incorporandose Manolo Dopico, o que fora guitarrista de grupos coma Leixapren e Maria Manuela.

Na primavera do 2007 entra a voz de Amparo Calvo, membro de Saraibas, e no outono incorpórase "Dubi" Lamas ó baixo.

Xa coa nova formación asentada Balakandra volta á carga e continuan con proxectos e cunha nutrida axenda de concertos neste ano 2009.

A súa música:

Dificil sería poñer unha etiqueta ao que nos ofrecen Balakandra, nas súas cancións mistúranse o rock co jazz, o pop co bluegrass, o blues co chachacha ou country e mesmo atísvanse algunhos ritmos balcánicos, todo isto pasado por un filtro de folc galego. Os concertos de Balakandra non deixan indeferente a ninguén atrapando ao público nesta viaxe polos sons do mundo.

Balakandra son:

Martín Sanjurjo: Mandolina, Guitarra Midi, Violín, Dobro e Voz.

Farru Rodríguez: Batería, Percusións, Acordeón e Guitarra.

Manolo Dopico: Guitarra acústica e española, Mandocelo e Voz.

Amparo Calvo: Voz e Percusión.

Dubi Lamas: Baixo.