Keren Ann: París-Texas-Compostela

Programa: 
Músicas e Letras

Keren Ann sofisticouse en “La biographie de Luka Philipsen” e “La disparition”, os seus dous primeiros álbumes en solitario, cantados integramente en francés. Hai neles arranxos suntuosos e cancións clásicas como “Jardin d’hiver”, que Ann e Biolay fixeron para o defunto Henri Salvador e que lle permitiu a este un derradeiro éxito crepuscular. Máis recentemente, Ann decidiu rebaixar o nivel azucre na súa música. Fíxoo trocando o francés polo inglés, baixando o tempo das cancións e tornándose máis rumorosa, achegándose ao paso que marcan artistas como Cat Power. “Not going anywhere”, “Nolita” e o disco máis recente, alcumado simplemente “Keren Ann”, do ano 2007, son a triloxía anglófila da música de Cesarea. A súa visita ao Auditorio de Galicia, en Santiago, servirá para coñecer se, tras un lustro cantado paseniño, Ann volve pisar o acelerador. A cita é o día 29 de marzo e as entradas xa están á venda a un prezo de 15 euros.