Cum Laude é unha adega que prima a calidade. A elaboración do cava comeza co prensado da uva, a clarificación e a primeira fermentación. A segunda consistirá no embotellamento do viño base engadindo logo o licor de expedición, unha mistura de viño branco, zucre e levaduras. Deixaráse en repouso durante nove meses, para logo destapar, conxelar o colo da botella e colocar o tapón suxeito con aramio ou cunha grapa metálica. O licor de expedición de cada bodega é o segredo dos diferentes cavas. É o guiso de cada casa, como dician as nosas avoas, segundo o director e enólogo de Cavas Cum Laude Josep Lluis.

Josep Lluis acudiu a pasada semana a Bodegas Barral de Barallobre (Fene A Coruña) para ofrecer alí unha degustación comentada do seu cava. No Penedés almorzan, comen e cean con cava. Pero o seu reto de futuro é lograr a desestacionalización tamén maís alá da zona produtora.