O caso e que a Granduciel e Vile lles gusta a electricidade. Os ecos de Dylan na súa música mestúranse con máis tralla da que nunca empregou ou autor de “Like a rolling stone”. A Galicia achéganse a presentar o seu primeiro longa duración, “Wagonwheel blues”, publicado por Secretly Canadian, a mesma discográfica de Antony & The Johnsons ou Damien Jurado, quen tamén visitará Galicia proximamente. O recital de The War on Drugs na cidade olívica principia ás dez e media da noite. As entradas pódense mercar na billeteira ao prezo de 15 euros.