Como se pode comprobar, só oito grupos, de entre os máis de medio cento que se presentaron nesta convocatoria do concurso, superaron esta primeira selección. A relación inclúe formacións musicais de Irlanda, Cataluña, Comunidade Valenciana e, por suposto, Galicia. Agora serán os internautas os que elixan os tres grupos que merecen, pola súa calidade, actuar na noite de arranque do Internacional do Mundo Celta. Haberá que esperar ata o 30 de xuño, día no que se pechará o prazo para votar, para coñecer o veredicto final do público.

As bandas que sumen máis puntos actuarán no Escenario Estrella Galicia, competindo en directo, ante un xurado, por facerse un oco na edición do 2010 e levarse 3.500 euros.