Para gravar Cuarta Potencia, The Homens volveron a Cataluña, aos Estudios Ultramarinos Costa Brava dos irmáns Santi e Víctor García, onde xa gravaran o seu anterior disco, Tres. Non mudaron de estudio de gravación, pero si de discográfica. Apostaron por quedar na casa, en Santiago, cun selo xa veterano, Lixo Urbano. Segundo o guitarrista e vocalista da banda, Martin Wu, “o que mellor os representa neste momento”.