A Comisión Europea estableceu en 2019 , O Pacto Verde Europeo, un conxunto de propostas para facer de Europa o primeiro continente climáticamente neutro en 2050, impulsando a economía, mellorando a saúde e a calidade de vida dos cidadáns, protexendo a natureza e non deixando a ninguén atrás.
O Pacto Verde Europeo aumentará o benestar e mellorará a saúde dos cidadáns e das xeracións futuras propoñendo:
-Aire fresco, auga limpa, chan saudable e biodiversidade.
-Edificios renovados e eficientes dende o punto de vista enerxético.
-Alimentos sans e asequibles.
-Máis transporte público.
-Enerxía máis limpa e innovación tecnolóxica de vangarda.
-Produtos máis duradeiros que poden repararse, reciclarse e reutilizarse.
-Empregos con perspectivas de futuro e formación con capacidades para a transición.
-Unha industria competitiva e resiliente a escala mundial.
Dar a coñecer o Pacto Verde Europeo entre a cidadanía; transmitir a relevancia da transición ecolóxica e as propostas da Comisión Europea para lograr a neutralidade climática en 2050; dinamizar a información europea no territorio da provincia, aproximando as fontes de información europea á poboación rural; e fomentar o debate europeo no entorno rural para potenciar a súa participación activa na toma de decisións de proxecto europeo son os obxectivos da Exposición ‘Pacto Verde Europeo’.
A exposición Pacto Verde Europeo naceu no ano 2021 e consta de 12 paneis en 6 expositores ecosustentables, con mensaxes clave sobre as medidas que contempla o “Pacto Verde Europeo” nas seguintes áreas: Neutralidade climática, Enerxía, Industria, Construción, Mobilidade, Da granxa á mesa, Biodiversidade e Contaminacións 0.
A mostra tamén ten unha dimensión interactiva con "A Aventura do Pacto Verde Europeo", un escape-room virtual destinado á infancia e mocidade, ao que se accede a través dun código QR.
O cambio climático, a perda da biodiversidade sen precedentes e as enfermidades infecciosas están a mandarnos unha mensaxe clara: Chegou o momento de reconciliarnos coa natureza.
