Por exemplo, o Concello de Valadouro convoca un concurso no que poden participar todos os veciños e veciñas da localidade que desexen colaborar coa decoración de adornos e luces nas súas ventás, balcóns ou fachadas, tanto en casas, como edificios, como pisos… coa única condición de que a decoración sexa visible dende a rúa. A decoración debe gardar relación directa cos motivos de Nadal e non ten que causar ningún perigo nin prexuízo para as persoas e os bens. Quedan excluídas as fachadas dos establecementos e comercios por ter un concurso das mesmas características para eles. Trátase dunha iniciativa que parte co obxectivo de ilusionar ós veciños e veciñas nun proxecto decorativo do Valadouro, implicándoos na ornamentación de balcóns, ventás e fachadas con luces e adornos de Nadal, co fin de contribuír ó ambiente festivo do concello, promover a creatividade.

Imaxe: Casa iluminada en Barallobre. Fotografía Marta Permuy